sábado

En LeS EnTrAÑeS



Con la bici de montaña descubro rincones guapísimos onde tomame un respiru, un bañu de sol si asoma despistau entre les ñubes o el aire frescu que azota en los altos dempués de una agotadora subia, o simplemente porque el llugar merece esa pará nel camín.
oooOOOooo
Salpicá ta esta tierrina de pequeños pueblinos de pocos vecinos onde se conservan les típiques cases asturianes con corredores, y los hórreos onde antaño y tovía hoy, servíen y sirven como almacén pa les coseches y trastos de labranza. Contemplalos ye retrotaeme nel tiempu, uniendo imaxinación y recuerdos, de aquellas histories que los güelinos contaben calzando madreñes y con el mandil puestu a la puerta la cuadra con la bara de avellano en una mano recoyiendo ya el ganao a última hora de la tarde; pa disponese dempués de llavar les manes con jabón caseru nel llavaderu de la entrá a la casina; a una cena familiar al calor de la cocina carbón, con una buena hogaza pan d'escanda encima'l mantelin de cuadros, una botellina vino y otra de gaseosa; la jarra de llechi pura de vaca , d'esa que deja el vasu cristal blancu, y servir con la garfilla una humeante sopa de gallina del corral y detrás patates frites con picadillu de matanza, huevos fritos de les pitines de casa y de postre un flan desos que se meneen pa to los llaos.
Saliome la vena astur, que'y vamos facer, si ye que lo llevo nes venes, en les entrañes. Si ye que me encanta mi tierra y to lo que n'ella hay.






Coses que pasen rodando. Nun caí, paré a tiempu.

No hay comentarios: